Familiares das vítimas do Alvia reclaman xustiza para poder pechar o dó

Aterrecedoras as declaracións das vítimas do accidente do tren Alvia escoitadas na sesión da mañá deste martes. Familiares de falecidos aseguraron que non hai cartos que paguen unha vida e laiáronse da falta de transparencia na investigación.

As primeiras declaracións de familiares das vítimas seguen pedindo xustiza na fase de responsabilidade civil do xuízo polo accidente do Alvia. Foron declaracións en que reviviron duros momentos. Para os que sobreviviron ao accidente, as secuelas físicas e psicolóxicas son de tal magnitude que algún mesmo chegou a preferir ser unha das vítimas mortais. 

Laméntanse da falta de transparencia e do trato recibido por empresas e Administración tras o accidente. Aseguran que nada vai reparar a perda dos seus familiares.