Febre polo sorteo do Neno na Fonsagrada

Na Fonsagrada, onde o Gordo de Nadal repartira 180 millóns de euros, multiplicáronse as vendas de boletos para o sorteo do Neno. De feito, na administración de loterías non tardaron en esgotar os billetes en formato físico.

Foi tal a febre, que mesmo nos bares da contorna tamén despacharon en tempo récord os números que lles ofreceron aos seus clientes.

Luis Valledor, hostaleiro: "Aí na administración había colas e aquí en tres días acabamos os décimos".

Desta volta non houbo tanta sorte, pero o pasado día 22 un total de 450 décimos vendidos na vila foran premiados con cadanseus 400.000 euros.