Feijóo di que apoiarían o imposto ás eléctricas se fose o mesmo que propón Europa
Feijóo di que apoiarían o imposto ás eléctricas se fose o mesmo que propón Europa
Di que os impostos non teñen nada que ver porque o Goberno grava toda a facturación das compañías e Bruxelas só os beneficios extraordinarios
O líder do PP defende subir os salarios ante a crise actual pola inflación
O Partido Popular apoiaría o Goberno na implantación do imposto ás eléctricas se fixese a mesma proposta que Bruxelas: gravar unicamente os beneficios das compañías e non toda a facturación.
O presidente do PP fixo estas declaracións nunha entrevista en La Sexta. Cre que a presión sobre as eléctricas debería ser para que baixasen os recibos dos clientes. Di ademais que os consumidores están pagando a excepción ibérica e pide eliminala.
E ante a escalada actual dos prezos, Feijóo propón baixar os impostos ás rendas baixas e medias, actualizar as pensións e subir os salarios se as empresas teñen marxe para facelo.
O líder do PP tamén se referiu á situación do poder xudicial. Nega que o órgano de goberno dos xuíces estea incumprindo a lei por non renovar en prazo os dous maxistrados que lles corresponde designar do Constitucional. E di que están dispostos a sentar co Goberno para negociar sempre que dean pasos para despolitizar a xustiza.
