Ferido un operario tras quedar atrapado baixo un camión en Nigrán

Un operario resultou ferido en Nigrán mentres realizaba labores de xardinería contra as 14:00, tras quedar atrapado baixo un camión envorcado.

Os bombeiros do Val Miñor e O Porriño precisaron de 45 minutos para poder liberar o traballador, que tiña un pé preso. "O terreo é complicado porque ten un lixeiro desnivel", explica Óscar Arévalo, xefe do servizo de Emerxencias do Val Miñor.

Durante todo o proceso o ferido estivo consciente. "Portouse como un campión", comenta con humor Arévalo.

O ferido foi trasladado ao hospital Álvaro Cunqueiro cunha fractura aberta de tibia e peroné.