Falece un traballador en Cervo a quen lle caeu enriba a póla dunha árbore
Falece un traballador en Cervo a quen lle caeu enriba a póla dunha árbore
A vítima estaba cortando madeira cando lle caeu enriba parte dunha árbore
Un operario faleceu este venres en Cervo ao caerlle enriba a póla dunha árbore.
Segundo informa o servizo de emerxencias 112 Galicia, o sinistro produciuse en Santa María de Rúa, na estrada do encoro.
🔴#AXEGAInforma dun operario falecido tras caerlle a póla dunha árbore enriba.
— 112 Galicia (@112Galicia) October 11, 2024
📍 Santa María de Rúa, Cervo, na estrada do encoro.
🚨 Urxencias Sanitarias de Galicia-061, #BombeirosViveiro, #GESCervo, @guardiacivil, #PolicíaLocal pic.twitter.com/cFpwUOi8o5
Segundo informa o xornal El Progreso, a vítima é un home de 63 anos que estaba cortando madeira cando lle veu enriba parte da árbore na que traballaba.
Foi persoal do servizo de Urxencias Sanitarias quen avisou ao 112 do accidente. Informaba de que se atopaba nunha zona de difícil acceso, lonxe da ambulancia, polo que solicitaba medios de apoio para o seu traslado.
De inmediato, o 112 mobilizou aos Bombeiros de Viveiro, ao GES de Cervo, á Policía Local e á Garda Civil.
Pouco despois, os sanitarios desprazados ao momento informaron de que trataron de reanimalo, pero o traballador falecera.
