Fernando Tercero triunfa na etapa raíña da Volta a Galicia

A Volta a Galicia Elite-Sub23 viviu a súa etapa raíña, con chegada a Cabeza de Manzaneda. O gran triunfador foi Fernando Tercero. O corredor manchego gañou a etapa e colleu o liderado. Bronce na edición do ano pasado, vén de facer dous segundos postos nas carreiras previas.

O corredor do Eolo Kometa deixou a Saúl Burgos na ascensión definitiva para entrar na meta en solitario e vestir o xersei de líder. Terá que defendelo na cuarta e definitiva etapa, que acabará este domingo en Ponteareas.