Friol desenvolve un programa de concentración pactada de terras agrarias

Vinte e catro propietarios que intercambiaron entre eles 424 hectáreas de terreo e, o máis importante, a un custo cero.

É o resultado do programa de permuta de terras que se puxo en marcha en Friol por iniciativa do Concello para facer máis eficientes as explotacións gandeiras e aproveitar as leiras de xeito eficaz.

A principal vantaxe deste modelo fronte ás tradicionais concentracións parcelarias é que permite dispoñer das terras nun prazo non superior a dous anos.

Ademais, os trámites son moito máis sinxelos e os propietarios acordan directamente entre eles. Así, adecúan a superficie ás necesidades das granxas.

Outra das vantaxes é que, ao concentraren as leiras, é moito máis doado traballalas con maquinaria pesada e aumentar o seu rendemento.

O programa de permutas está subvencionado pola Axencia Galega de Desenvolvemento Rural.