Furor na Coruña por aprender chinés

Entramos nunha clase con nove dos cincuenta alumnos que este ano se apuntaron ao curso de iniciación de chinés. Comezaron as clases a mediados do mes de setembro, pero algúns xa se atreven a falar o que aprenderon.

"Este ano houbo un rexurdir do chinés. Houbo un grupiño dun nivel máis alto que tivemos que pechar porque había pouca xente e aproveitamos", explica Miriam Rodríguez, profesora.

A gramática vana aprendendo sen complicacións, pero din que lle toca pelexar cos símbolos e coa pronunciación.

"Os caracteres, porque é complicado asocialos a unha palabra". "É moi chachi, para min os máis complicado son as erres", din os alumnos.

Todos explican que decidiron acudir a estas clases porque lles gustan os idiomas. Pero teñen tamén outros motivos.

"Porque me chama bastante a atención a cultura chinesa e tiña interese en aprender".

Con todo a súa profesora di que progresan adecuadamente.