A Policía esixirá coñecementos de inglés ou francés para ingresar no corpo en 2025

A Policía Nacional esixirá nos seus procesos selectivos de ingreso ao corpo a partir de 2025 que os aspirantes acrediten coñecementos de inglés ou francés correspondentes a un nivel A2 para o acceso á escala básica e dun B1 para a Executiva.

Segundo unha circular informativa da División de Formación e Perfeccionamento da Policía Nacional, á que tivo acceso EFE, os exames de ingreso deste ano non incorporarán como obrigatorio este requisito de idiomas, que ata o de agora era unha proba voluntaria.

Con todo, a partir do 1 de xaneiro de 2025, os exames de ingreso incorporarán como obrigatoria a acreditación por parte do aspirante do coñecemento de idioma (inglés ou francés), no nivel B1 do Marco Común Europeo de Referencia para as linguas (MCER) -estándar internacional que define a competencia lingüística- e do nivel A2 para o ingreso na Escala Básica.

A acreditación, que se regulará mediante unha resolución da Dirección Xeral da Policía, realizarase mediante as certificacións recoñecidas da Escola Oficial de Idiomas, SLP, Cambridge, Trinity, IELTS, TOEFL, Oxford, ESOL-British Council, DELF ou TCF-TP.