Galicia defenderá o seu título na fase final da Copa das Rexións

A selección galega de afeccionados continúa na pelexa por revalidar o título histórico da Copa das Rexións da UEFA logrado en 2023. Un solitario gol de Félix Rial, xogador do Alondras, foi dabondo para derrotar a Asturias nos cuartos de final do sector español. 

Galicia chegaba á cita despois de superar con moitos problemas a primeira fase pero coa experiencia de verse nesta situación na edición anterior e soubo xogar o partido con moita intelixencia. 

Agora, Galicia entra na fase final a que chegaron as catro mellores rexións e buscará repetir o título de 2020 que os levou a xogar (e gañar) a fase europea entre 2022 e 2023.