Cargando resultados...
Galicia detecta nos últimos catro días máis de 11.000 novos contaxios
Galicia detecta nos últimos catro días máis de 11.000 novos contaxios
Tras realizárense máis de 83.000 probas, a taxa de positividade é do 13,56 %
G24.gal
26/12/2021 21:57
O Sergas detectou desde o xoves 23 de decembro e ata as 18:00 horas deste domingo 26, 11.038 positivos de covid-19 nas probas realizadas.
Como se realizaron 83.419 tests nos diferentes puntos habilitados, a taxa de positividade do conxunto, tanto de PCR coma de antíxenos, é do 13,56 %.
En concreto desde o xoves realizáronse 52.934 probas PCR, que permitiron descubrir 8.429 persoas contaxiadas de coronavirus. Implica unha positividade do 15,92 %, máis do triplo que marca a Organización Mundial da Saúde (OMS), para dar por controlada a pandemia.
No mesmo período, Sanidade realizou outros 30.485 tests de antíxenos, con 2.879 resultados positivos, o 9,44 %.
