Gamarra pide explicacións da xuntanza PSOE-Junts e a dimisión de Armengol
Gamarra pide explicacións da xuntanza PSOE-Junts e a dimisión de Armengol
Amósase "convencida" de que na reunión de Suíza falaron dun posible referendo
Di que Francina Armengol sabía o que "había detrás" do caso Koldo
A secretaria xeral do Partido Popular, Cuca Gamarra, cualificou como "bochornosa" a imaxe ofrecida este sábado polo PSOE e Junts en Suíza.
Desde Eivisa, a número dous do PP pediulles aos socialistas que expliquen se acordaron temas como o referendo de autodeterminación ou o regreso de Carles Puigdemont a Cataluña. Sobre a lei de amnistía dixo que está feita para que Sánchez poida "sobrevivir no poder".
Ademais, insistiu en que debe dimitir a presidenta do Congreso, Francina Armengol, polo caso Koldo.
"Sabemos que sabía o que había detrás e que o tapou. Tamén lle dicimos que chegaremos ata o final, que se ela segue empeñada en non asumir as súas responsabilidades será cuestión de tempo que as teña que asumir. Pero volvémoslle pedir que dimita como presidenta do Congreso dos Deputados, porque as institucións non poden quedar danadas".
