Golpe de autoridade de White na primeira etapa da Volta a Galicia

Botou a andar a edición número 20 da Volta a Galicia amateur. A primeira xornada tiña saída e chegada en Poio,157 quilómetros, pasando por Ribadumia, Cuntis e Vilgarcía, con subida á Escusa, de primeira categoría.

O primeiro líder é o corredor do equipo porriñés Cociñas Lasal-Louriña, o neozelandés Alexander White, que levou a bo porto a fuxida do día. En segunda posición, a 1:26, chegou Carlos Gutiérrez do Club Ciclista Padronés. E a terceira praza foi para Lev Gonov. Mañá, segunda etapa entre Taboada e Chantada.