Unha fronte asociada á borrasca Hipólito activa o aviso amarelo no oeste
Unha fronte asociada á borrasca Hipólito activa o aviso amarelo no oeste
Nas provincias da Coruña e Pontevedra agárdase unha precipitación acumulada de 50 mm en doce horas
![](https://img-g24-crtvg.flumotion.com/prog24/2024/20240114/Anxo_R_chuvia_e_frota_testal_Vivir_o_MAR_frame_15304.png)
Unha fronte asociada á borrasca Hipólito deixará este domingo unha suba case xeneralizada de temperaturas e precipitacións no noroeste da península, especialmente en Galicia, segundo o prognóstico da Axencia Estatal de Meteoroloxía (AEMET).
En concreto, a fronte, en principio pouco activa, traerá abundante nebulosidade, que se estenderá de oeste a leste e que deixará precipitacións na metade noroeste, débiles, dispersas e ocasionais en xeral.
En Galicia serán máis abundantes, especialmente na súa parte oeste, onde poderían ser localmente fortes ou persistentes. De feito, A Coruña e Pontevedra teñen activo o aviso amarelo por choivas, cunha precipitación acumulada de 50 milímetros en doce horas.