Hoxe, nova batida na busca do veciño de Teo Óscar García

Ás nove da mañá haberá unha nova batida en Teo para dar con Óscar García Lema, veciño de Cepeda. Ten 62 anos e leva desaparecido desde o mércores da semana pasada.

Foi visto por última vez hai cinco días cando saía do seu domicilio. Quedara para comer coa súa familia en Santiago, pero non se presentou. Na casa deixou o móbil, a carteira coa documentación, as lentes e as chaves do coche dentro do vehículo.

A familia está convencida de que non marchou por vontade propia e fai unha chamada desesperada para que todo o que poida saia na súa procura.