Hugo Álvarez e Yeremay estréanse como titulares na sub-21 con goleada

O xogador ourensán do Celta Hugo Álvarez e o canario do Deportivo Yeremay Hernández estreáronse como titulares no partido que xogou en Alxeciras a selección española de fútbol na categoría sub21. O choque acabou con goleada diante de Malta (6-0) con protagonismo realizador para o dianteiro do Porto Samu Omorodion (4 goles). 

Os catro tantos de Samu marcounos no primeiro tempo demostrando o gran momento de forma polo que pasa no seu club, o Porto. Na segunda parte chegaron outros dous tantos, os marcados por Peque e por Roberto Fernández. Yeremay xogou sesenta minutos e Hugo Álvarez completou os noventa minutos.