Arde unha vivenda abandonada en Culleredo

Aparatoso incendio nunha casa abandonada do Burgo, no concello coruñés de Culleredo. Os bombeiros de Arteixo traballaron durante varias horas para sufocar totalmente as lapas do inmoble, de dúas plantas e un fallado.

Segundo a Policía Local de Culleredo, o lume non supuxo, en ningún momento, ningún risco nin para persoas, nin para outros edificios.

As causas do incendio están a ser investigadas pola Garda Civil.