Catro feridos nunha colisión múltiple na AP-9 en Culleredo

Catro persoas quedaron feridas no choque entre catro vehículos na AP-9 á altura de Culleredo (A Coruña).

Segundo o 112 Galicia, un particular avisou dez minutos antes das nove da mañá deste venres de que un vehículo envorcara no quilómetro 7 da AP-9, no Burgo.

Os outros tres coches chocaron por alcance.

Ata o lugar desprazáronse profesionais de urxencias sanitarias, os Bombeiros de Betanzos, a Garda Civil e persoal de mantemento da estrada.

Os catro feridos foron trasladados ao hospital.