Piden que se conxelen os prezos da AP-9 ata que se resolva a legalidade da prórroga

A partir do 1 de xaneiro circular pola AP-9 vai custar un 6,55 % máis. A suba provoca indignación entre as persoas usuarias que coidan que a autoestrada debería estar xa amortizada.

O presidente da Plataforma En colectivo considera un agravio comparativo que Galicia sexa a terceira comunidade na que máis suban as peaxes cando xa eran das máis caras. Ir da Coruña a Vigo vai custar case 20 euros e de Vigo a Pontevedra case cinco.

A plataforma considera tamén que as peaxes se deberían, polo menos, conxelar mentres a prórroga da concesión se está a investigar por suposta ilegalidade pola Comisión Europea.