Inés Rey, sobre os ultras do Málaga: "É indignante que puidesen entrar no estadio o domingo"
Inés Rey, sobre os ultras do Málaga: "É indignante que puidesen entrar no estadio o domingo"
A alcaldesa tamén quixo amosar a súa "solidariedade cos donos do bar salvaxemente atacado e dar ás grazas á Policía Local"
Máis aló do empate entre Deportivo da Coruña e o Málaga, o máis destacado do encontro foron os lamentables incidentes producidos polos ultras do Málaga o pasado sábado pola noite nos arredores de Riazor. Sobre eles pronunciouse este luns pola mañá a alcaldesa da Coruña, Inés Rey, que cualificou de "indignante" que puidesen entrar no estadio o domingo.
A alcaldesa da cidade asegurou que "os feitos son de extrema gravidade" e que desde o concello "pedimos información a delegación e liga porque xa causaron moitos problemas en Vigo hai uns días, é indignante que puidesen entrar no estadio o domingo.
Sabemos o devastadores que poden ser os actos violentos no fútbol", engadiu. Por este motivo, Rey quixo mostrar "a miña solidariedade cos donos do bar salvaxemente atacado e dar ás grazas á policía local".
E sinalou que "se hai un partido de alto risco e os ultras veñen sementar o terror e esnaquizar bares... é unha conduta antideportiva e creron que os deixaban marchar creábase menos conflito. Quen toma esas decisións ten máis experiencia, pero desde alcaldía non se entende que volvan provocar ao día seguinte".
A miña condena aos intolerables actos desta noite protagonizados por seguidores do Malaga e a miña solidariedade cos negocios afectados. A violencia non ten cabida na nosa sociedade. pic.twitter.com/DUetmuoDHX
— Inés Rey (@inesreygarcia) October 6, 2024
