Instagram investiga problemas de acceso de millóns de usuarios

A rede social Instagram está a investigar os problemas para acceder nas súas contas de millóns de usuarios, que denunciaron nas últimas horas que foron bloqueadas sen aparente motivo.

"Somos conscientes de que algúns de vostedes teñen problemas para acceder á súa conta de Instagram. Estamos a investigalo e pedimos desculpas polas molestias", apuntou a rede social a través dunha mensaxe publicada en Twitter.

We're aware that some of you are having issues accessing your Instagram account. We're looking into it and apologize for the inconvenience. #instagramdown

— Instagram Comms (@InstagramComms) October 31, 2022

A rede social pertence á empresa estadounidense Meta (Facebook) que aínda non ofreceu máis información sobre o sucedido. O incidente prodúcese uns días despois de que WhatsApp, outra das empresas de Meta, caese durante varias horas o pasado día 25 de outubro.

A rede social Instagram conta con máis de 1.500 millóns de usuarios activos, que comparten imaxes e vídeos a través da plataforma.