Máis de 20 persoas intoxícanse en Corcubión tras comeren hamburguesas

Máis de 20 persoas resultaron intoxicadas esta fin de semana tras a inxestión de hamburguesas nun local de Corcubión. Algunhas mesmo foron hospitalizadas. Foi no local Cuatro Perras, na zona do peirao de Corcubión, sobre a praia de Quenxe.

Hoxe reabriu as súas portas tras a visita dos técnicos de sanidade. Á espera dos resultados das análises e dos cultivos, todo apunta a ovos en mal estado que causaron que esas persoas acudiran a distintos hospitais con síntomas de gastroenterite aguda. Unha nena de 8 anos estivo en observación no Materno da Coruña con vómitos, febre e diarrea ata a madrugada de hoxe. 

Á falta dos resultados das mostras, a súa propia "investigación interna" limita o problema a xema de ovo desa hamburguesa concreta. Sanidade atopou todo en orde no local e coa rastrexabilidade precisa. Nos vindeiros días coñeceranse as causas exactas da intoxicación.