Investigados dous mozos por acoitelar nun brazo un home na Rúa
Investigados dous mozos por acoitelar nun brazo un home na Rúa
Están investigados como autor e coautor dun delito de lesións por ferida con arma branca
A Garda Civil interrogou en calidade de investigados dous veciños do concello ourensán da Rúa, de 19 e 22 anos, en relación co acoitelamento nun brazo a un home.
Presuntamente son autor e coautor dun delito de lesións por ferida con arma branca, respectivamente. O caso lévao o Xulgado Número 2 do Barco de Valdeorras.
Un home de 37 anos e veciño do concello lugués de Friol foi ferido na madrugada do 5 de xullo.
O 112 Galicia informaba de que pasadas as doce da noite recibiu varias chamadas en que se avisaba de que o home pedía axuda na vía pública tras sufrir unha agresión na Rúa da Silveira.
Ademais, os alertadores sinalaron que se lle estaba practicando un torniquete co obxectivo de deter a hemorraxia. A vítima foi trasladada ao Complexo Hospitalario Universitario de Ourense.
