Investigan a orixe do lume que calcinou dous coches no xardín dunha casa en Oia

Investigan a orixe do lume que esta noite calcinou dous vehículos no xardín dunha vivenda en Pedornes, no concello de Oia. O Grupo de Emerxencias Supramunicipais da Guarda conseguiu sufocar as lapas antes de que alcanzasen outros coches que había preto.

Nun primeiro momento, o dono da vivenda tentou apagar o incendio con mangueiras, pero as chamas eran moi virulentas e estendéronse con rapidez. Os bombeiros utilizaron escuma de extinción para controlalo.

No operativo, despregado ás 21:00 horas, tamén participou a Garda Civil e solicitouse a colaboración dos Bombeiros do Baixo Miño que, finalmente, non tiveron que intervir.