Investigan o incendio de dous coches no parque de Ánkar en Poio
Investigan o incendio de dous coches no parque de Ánkar en Poio
As lapas calcinaron dous turismos, danaron outros dous e afectaron tamén unha vivenda
Hai dúas semanas queimaron un coche na lindeira localidade de Combarro
Dous vehículos arderon e outros dous quedaron afectados polas lapas na madrugada do domingo en Poio. Un particular alertou ao 112 de que o seu coche estaba a arder nas proximidades do Parque de Ánkar e que ao seu carón había aparcados outros turismos.
O GES de Sanxenxo e Protección civil de Poio conseguiron extinguir as lapas, que finalmente calcinaron dous turismos, causaron danos noutros dous e chegaron a afectar parcialmente unha vivenda próxima.
A Policía Local está a investigar os feitos e non se desbota a intencionalidade do lume, xa que recentemente queimaron un coche na localidade lindeira de Combarro.
