Investigan un repartidor por roubar décimos de lotería que debía entregar nunha administración

A Garda Civil investiga penalmente un veciño da localidade pontevedresa de Cerdedo-Cotobade, de 30 anos de idade, como presunto autor do roubo con forza de varios billetes da lotería de Reis, e doutros sorteos xa celebrados.

Supostamente, subtraeunos do interior das valixas que tiña que trasladar por ser o empregado dunha empresa de mensaxería que traballa para unha administración de lotería situada en Ponte Caldelas.

Segundo informou a Garda Civil, a lotería subtraída non se puido recuperar. Loterías e Apostas do Estado xa a invalidou eses números.