Investíganse as causas dun aparatoso incendio nun bazar da Coruña

Un intenso cheiro a fume é o que aínda se respira na rúa Barcelona, lembrando o que alí se viviu nas últimas horas. O primeiro aviso recibíase pasadas as cinco e media da tarde. Os bombeiros lograron sufocar as lapas, pero aínda así o lume volveu reactivarse.

Os propietarios non saben que puido provocar o incendio. A electricidade dentro do local funciona, e aínda que o lume se limitou a unha zona concreta, calculan que os danos van ser cuantiosos.

Tamén os negocios e edificios lindeiros resultaron afectados pola intensa fumareda. Por sorte só foron danos materiais.