Irene Paredes volve con España e Jenni Hermoso queda fóra en pleno xuízo polo bico de Rubiales

A central Irene Paredes é a gran novidade da lista de Montse Tomé, seleccionadora nacional, para os dous primeiros partidos da fase de grupos da liga de Nacións, na que non está Jenni Hermoso. Continúa a galega Tere Abelleira

Tomé anunciou este mércores en Paiporta, a zona cero da dana que arrasou gran parte da provincia de Valencia o pasado 29 de outubro, a lista de internacionais convocadas para os partidos contra Bélxica do 21 de febreiro no Ciutat de València e contra Inglaterra cinco días despois, o 26, en Wembley, nos que España comezará a defensa do título.