Israel envía ordes de evacuación aos gazatís do leste de Rafah
Israel envía ordes de evacuación aos gazatís do leste de Rafah
Segundo o exército israelí, a área humanitaria de Al Mawasi foi ampliada e está a recibir máis axuda para os refuxiados
Os residentes dos barrios orientais da cidade gazatí de Rafah, próximos ao denominado corredor Filadelfia fronteirizo con Exipto, recibiron mensaxes que os instan a evacuar e dirixirse cara á "zona humanitaria" de Al Mawasi, informou este luns o exército israelí.
"De acordo coa aprobación do Goberno (israelí), unha avaliación da situación en curso guiará o movemento gradual de civís das áreas especificadas cara á área humanitaria" de Al Mawasi, sinala o exército nun comunicado.
Segundo a fonte, a orde de evacuación é "temporal" e foi transmitida a través de carteis, mensaxes SMS, chamadas telefónicas e difusións nos medios de comunicación en árabe.
The IDF has expanded the humanitarian area in Al-Mawasi to accommodate the increased levels of aid flowing into Gaza. This expanded humanitarian area includes field hospitals, tents and increased amounts of food, water, medication and additional supplies.
— Israel Defense Forces (@IDF) May 6, 2024
In accordance with the… pic.twitter.com/si47k9FCCz
Polo momento, o exército non relacionou esta evacuación coa anunciada invasión terrestre de Rafah.
No comunicado, detállase tamén que a zona de Al Mawasi, próxima a Khan Yunis, foi ampliada, está a recibir máis axuda humanitaria, como "hospitais de campaña, tendas, maior cantidade de alimentos, auga, medicamentos e subministracións adicionais".
O director da Axencia da ONU para os refuxiados palestinos (UNRWA) Philippe Lazzarini denunciou onte á noite que Israel lle negara dúas veces na última semana a entrada a Gaza e tamén un aumento dos ataques contra os convois humanitarios e o seu persoal.
"Só nas últimas dúas semanas, rexistramos dez incidentes que involucraron disparos contra convois, arrestos de persoal da ONU, incluído acoso, espidos, ameazas con armas e longas demoras nos postos de control que obrigaron os convois a movérense durante a escuridade ou abortar a misión", dixo Lazzarini na súa conta de X.
#Gaza: The Israeli Authorities continue to deny humanitarian access to the United Nations.
— Philippe Lazzarini (@UNLazzarini) May 5, 2024
Just this week, they have denied - for the second time- my entry to Gaza where I planned to be with our @UNRWA teams including those on the front lines.
The past while recorded an…
"Estes incidentes ocorren repetidamente en momentos en que estamos inmersos nunha carreira contra o reloxo para evitar a fame negra en Gaza" e engadiu que tamén xeran "medo" entre os equipos humanitarios.
