Jacobo Montes "O Coruxo é un dos lugares onde máis querido me sentín"

Tras pasar polo Celta B e o Guijuelo,  os irmáns Montes regresan ao Coruxo  trala destitución de Gonza Fernández esta mesma semana. Jacobo falou con Paco Santos no Galicia en Goles deste venres e analizou o derbi ante o Arenteiro.

"Son choqueiro pero é certo que podo presumir que Coruxo é un dos lugares onde máis a gusto estiven e mellor me trataron. É un orgullo e unha responsabilidade volver para tentar axudar a saír na clasificación. Necesitamos unha vitoria para romper esa xeira, de sete partidos sen gañar. O equipo estaba feito para outros obxectivos, e a cabeza dos xogadores teñen que dixerilo. Estamos facendo fincapé no psicolóxico"