Jácome devolve o seu posto ao interventor municipal de Ourense ao que cesara
Jácome devolve o seu posto ao interventor municipal de Ourense ao que cesara
O alcalde cumpre cunha resolución xudicial que deixou sen efecto o cesamento do funcionario
Gonzalo Alonso volve ao seu posto de interventor municipal, do que fora cesado polo rexedor, Gonzalo Pérez Jácome.
O alcalde cumpre así cunha resolución xudicial, de finais do mes de maio, que deixara sen efecto o cesamento do funcionario.
O despedimento produciuse ou pasado 18 de abril, despois de meses en que o alcalde sinalou reiteradamente o funcionario acusándoo de "guerra xurídica" e de "obstaculizar" a xestión do Goberno municipal e tras iniciar a apertura do expediente en decembro do 2023.
Entón, o encargado de fiscalizar a actividade económica do Concello, foi recolocado no departamento de Xestión Tributaria como "instrutor de procedementos sancionadores en materia de tráfico".
Con todo, o interventor acudiu á vía xudicial cun recurso contencioso-administrativo, aínda sen resolución, pero solicitou tamén a medida cautelar de que se suspendese o seu cesamento.
A esa medida, concedida polo xulgado, fixo caso ao Concello de Ourense que desde este luns devolveu ao seu posto a Gonzalo Alonso en tanto non haxa sentenza.
