Javi Avilés define como "final" o partido ante o Racing de Santander

Javi Avilés amosouse feliz polo seu percorrido no Lugo ata o momento, aínda que destaca a necesidade de conseguir unha vitoria que implemente o crecemento do equipo nas últimas semanas.

Recoñece a importancia do duelo ante o Racing de Santander, e cataloga como de final o duelo ante os cántabros:

"Un punto é algo importante nese campo. É un rival que estará arriba, competimos ben, e conseguimos un bo resultado".

"Estamos a desexar que chegue a vitoria. Queremos romper a serie, veremos as cousas de maneira diferente".

Avilés volveu reclamar o apoio da afección

"Oxalá se encha o campo, igual que o outro día, a xente é súper importante para nós. É unha final, e temos que contar co apoio de todos. Ademais, sei que o club sacou unha campaña para traer xente, e iso sempre suma".