Jorge Prado quere seguir coa remonta en Indonesia

Logo do gran botín acadado a semana pasada no primeiro dos dous grandes premios de Indonesia no que Jorge Prado conseguiu recuperarlle doce puntos a Tim Gajser chega a segunda cita en Lombok. Tocará volver a madrugar porque os horarios van ser este domingo ás 7:00 e ás 10:00 da mañá -G2 e Agalega.gal en directo-. 

Na carreira de cualificación Prado quedou de cuarto, dous postos por detrás de Tim Gajser co que se deixou dous puntos na xeral do Mundial de Motocrós. Agora a diferenza a prol do esloveno é de 24 puntos. Por diante chegou Jeffrey Herlings que tamén se quere meter na pelexa por lograr o título.