Julia ten 90 anos e segue traballando na súa paixón: a fotografía

Foto Sandine é unha tenda que abriron en Compostela Julia e o seu home alá polo ano 1968. Hoxe, aos seus 90 anos de idade, esta fotógrafa segue indo traballar cada día, e aínda non pensa na xubilación. 

Dos 17 aos 27 anos, Julia traballou como mestra. Posteriormente chegaron os anos en Venezuela, onde xa empezaron coa fotografía, e de alí volveron a Compostela. En decembro de 1968 abriron na rúa do Vilar Foto Sandine e esta fotógrafa non pensa en abandonar a mirada fotográfica.