Kevin Vázquez: "Gustaríame ser un One Club Men "
Kevin Vázquez: "Gustaríame ser un One Club Men "
O lateral remata contrato en 2023 e amosa a súa predisposición para a renovación
Repetirá titularidade en Mendizorroza ante os problemas físicos de Hugo Mallo
Espera que o equipo sexa ambicioso en Vitoria e saia dende o principio a polo partido
Kevin Vázquez xogou onte Ao contraataque. O lateral do Celta fixo autocrítica e valorou o momento do equipo vigués:
"Levamos unha mala cifra de puntos. Non imos enganar a ninguén. Non queriamos estar así a estas alturas. Agora temos que loitar por saír de aí abaixo. Creo que cando xogamos a tumba aberta, cando non temos case nada que perder porque xa o temos perdido, somos mellor equipo e é un xogo que nos beneficia moito máis".
Kevin Vázquez expresou o seu desexo de renovar o seu contrato co equipo celeste:
"Non teño nin idea sobre a renovación. Prefiro non saber nada ata que teña que firmar. Remato no 2023 o contrato. Traballo para facer un nome no Celta. Gustaríame ser un One Club Men. Loito para iso e sería un orgullo. Sería unha honra".
