Licitadas as obras do complexo Cidade de San Caetano

Licitada a contratación da primeira fase do Complexo Cidade de San Caetano. Serán dous bloques de oficinas nos que se van centralizar varios edificios administrativos. As obras teñen un presuposto de 33,8 millóns de euros e construiranse no terreo da antiga estación de autobuses de Santiago.

Desde a consellería de Infraestruturas, calculan que as obras comecen na primavera e terán un prazo de execución dun ano. A Xunta espera aforrar 1,1 millóns de euros ao ano en alugueiros.