Carballeda de Valdeorras será o primeiro concello mineiro de Galicia

Galicia lidera a produción nacional de lousa en España. Un sector que é o piar económico da comarca de Valdeorras. Dende aquí expórtase a países como Francia, o Reino Unido, Alemaña, os Estados Unidos, ou Australia.

María Jesús Lorenzana, conselleira de Economía e Industria, destacou que "o próximo mércores sairá unha orde de axudas, 2,3 millóns de euros para apoiar ás explotacións mineiras e de augas minerais en sustentabilidade ambiental, eficiencia enerxética e seguridade laboral".

En Carballeda de Valdeorras está a explotación subterránea de lousa máis grande do mundo. Queren dar un paso máis e converterse no primeiro concello mineiro de Galicia. Segundo apuntou Lorenzana "vai supor que o Concello e as empresas que xeran esta actividade van ter en todas as convocatorias públicas ligadas á minería unha puntuación superior".

Iso supón tamén unha maior explotación do turismo industrial na zona. En 2024 exportaron máis de 250.000 toneladas e facturaron máis de 200 millóns de euros. España é líder na produción de lousa e o 60 % é lousa natural da nosa comunidade.