Loureiro: "Hai que gañar todos os partidos na casa e puntuar no resto"

O Lugo volve ao traballo coa meta indiscutible dos tres puntos en xogo ante o Zaragoza. Miguel Loureiro compareceu en conferencia de prensa para analizar a crítica situación do equipo.

Subliñou a capacidade de resposta que teñen, comparando o momento actual con outras situacións nas que, asegura, un cambio de dinámica posibilitou todo:

"Temos que mellorar en moitos aspectos. A pesar de competir, non estamos a ser capaces de puntuar e de gañar, que é o que fai falta. Necesitamos crecer en detalles, como o visto esta semana despois do noso gol. Hai que seguir traballando".

O xogador de Cerceda, falou do estado de ánimo dos xogadores:

"É complicado erguerse, pero lamentarse non conduce a nada".

Tamén fixo os números da salvación:

"Conscientes do reto, hai que gañar os partidos na casa e puntuar no resto".