Lugo consolídase como referente dos concursos caninos en Galicia

Achegarse esta fin de semana ao Pazo de Feiras e Congresos de Lugo é pasear por un escaparate de razas caninas. No sei interior celébranse as Exposicións Nacional e  Internacional. Tamén as probas de agility, selectivas para o campionato do mundo.

Moitos dos 2.000 animais inscritos veñen de fóra de Galicia, o que supón un importante revulsivo económico e turístico para a Cidade das Murallas. 

Ademais de ser un atractivo para o público, os concursos convértense nun punto de encontro para criadores, que comparten experiencias e proxectos. 

Segundo os amantes destes certames, máis ca un adestramento, o agility é un xeito de vida onde hai unha compenetración absoluta entre persoa e animal.