Planas agarda unha contención dos prezos dos alimentos no primeiro semestre de 2023

O prezo dos alimentos preocupa no Goberno. Subiron un 15 por cento, á espera do dato da inflación que se coñecerá mañá. O ministro de Agricultura asegura que esta suba se debe ao incremento dos custos pola guerra de Ucraína, e confía en que os prezos se moderarán a principios de 2023.

"Estamos no 15,4, e a media europea é do 17,3, estamos no segmento central. A previsión é que agora, a final de ano, é un momento sempre de prezos altos porque hai un incremento do consumo. Debemos esperar que no primeiro semestre do ano que vén se produza unha contención e unha baixada progresiva", dixo Luis Planas.