Máis de 600 mulleres do rural reclaman un futuro en igualdade

Máis de 600 mulleres do rural xuntáronse este sábado no Pazo de Congresos de Santiago para conmemorar o seu día e tamén para reclamar melloras pendentes. Piden un rural de futuro, con oportunidades e en igualdade.

A este encontro, organizado pola Federación de Asociacións de Mulleres Rurais de Galicia (Fademur), acudiron representantes institucionais, líderes sindicais, o alcalde de Santiago, Xosé Sánchez Bugallo, e o presidente da Deputación da Coruña, Valentín González Formoso.

A principal reivindicación do colectivo é que a vida no rural non leve aparellado un maior número de dificultades e consiga equipararse á das cidades ou vilas máis grandes.