Máis de 3.000 alcaldes do PP asinan un manifesto a prol da igualdade
Máis de 3.000 alcaldes do PP asinan un manifesto a prol da igualdade
Cuca Gamarra cualificou a lei de amnistía como "absoluto exercicio de corrupción política"
A sinatura do manifesto é un prólogo da manifestación que o PP celebra este domingo en Madrid
O Partido Popular multiplicouse este sábado en distintos puntos do Estado para que os máis de 3 000 rexedores municipais asinaran o manifesto a prol da igualdade. Nese texto sosteñen que o Goberno relega o interese xeral ante "as esixencias" dos independentistas e claman unha vez máis contra a amnistía.
"Estamos nestes momentos, cando vemos a tramitación la lei de amnistía, ante un absoluto exercicio de corrupción política. Estamos vendo como se quere aprobar unha lei única e exclusivamente porque é o pago a uns señores a cambio do voto que deron para que Pedro Sánchez sexa presidente do Goberno de España", sinalou a secretaria xeral do PP, Cuca Gamarra, nun deses actos, concretamente en Logroño.
Varios dirixentes do PP insistiron hoxe en que "non hai un terrorismo bo e outro malo". No manifesto piden tamén colaboración para evitar que a "acción executiva, lexislativa e xudicial se poña ao "ditado dos partidos independentistas".
