Mañá de cancelacións en Alvedro

A néboa coa que amenceu está mañá de mércores a cidade da Coruña foi a causante, unha vez máis, de problemas de engalaxe e aterraxe de avións no aeroporto de Alvedro. En total víronse afectados 3. Dous deles, procedentes de Madrid e Barcelona, foron desviados para aterrar a Santiago. O terceiro era un avión con destino Barcelona que tiña que despegar ás 10:30. Ás 12 da mañá os pasaxeiros aínda estaban agardando na terminal para ser trasladados en autobús á Lavacolla. 

"O enlace a Roma xa o perdemos".

 "Moi enfadado, moi enfadado pero como non pode facer outra cousa lévoo na procesión pero non hai dereito, a verdade".

"Xa ía que non me tocaba unha de agardar e que nos mandaran a Santiago".

Quen máis quen menos, todos tiñan plans.

"Temos un congreso en Barcelona que xa non imos chegar".

 "Eu vou por traballo teño unha conferencia que dar  e que non sei se vou chegar e a verdade que falta de información absoluta todo o tempo".

Diso queixábanse todos os pasaxeiros.

"O problema foi a falta de información durante toda a mañá e en todo momento soubémolo polo resto de pasaxeiros".

Obrigáronos a pasar varias veces polos controis.

"Pasamos dúas veces o control de equipaxes, recollemos dúas veces as equipaxes e agora estamos facendo cola aquí para coller un autobús para que nos leve a Santiago e supoño que chegaremos a Barcelona hoxe".

 "Eu pasei o embarque xa tres veces porque nos dixeron que saía, que viña dende Santiago directamente para aquí, temas meteorolóxicos coma sempre". 

Ao mediodía a néboa aínda persistía, pero as condicións de visibilidade eran mellores, polo que o aeroporto foi recuperando a normalidade.