A néboa afectou este domingo á actividade no aeroporto de Alvedro na Coruña

Na Coruña a xornada transcorreu envolta nunha néboa persistente que complicou o tráfico aéreo. Os máis afectados foron os pasaxeiros do voo procedente de Valencia que debía aterrar na terminal de Alvedro ás dez e vinte da mañá e que finalmente foi desviado a Asturias.

Como resultado desta incidencia, o enlace A Coruña-Valencia demorouse máis de seis horas.

Ademais, un dos voos da tarde procedente de Madrid tomou terra con media hora de atraso despois dunha primeira aproximación a pista frustrada pola mala visbilidade.