Maquillaxes, peiteados e barbeados de balde na rúa por un convenio digno

Protesta dos traballadores dos salóns de peiteado e beleza. Sacaron as súas brochas, peites e tesoiras á rúa. E traballaron de balde para reclamar un convenio digno. 

Maquillaron, peitearon, cortaron o pelo e arranxaron barbas. Cliente tras cliente quixeron poñer en valor o seu traballo en plena rúa Barcelona da Coruña. 

Maite Lois é esteticista. Explica que "a principal reivindicación é a fenda salarial que temos. Estamos co salario mínimo interprofesional todos os traballadores. Absolutamente todos. Desde a persoa que lava a cabeza ata o profesional que realiza un traballo máis técnico".

Adolfo Naya, secretario de Negociación Colectiva CIG-Servizos engade que "estamos reclamando que se volva sentar a patronal e intentar chegar un acordo para obter un convenio digno".

A negociación dese convenio está parada. Entre as súas reivindicacións, regular horarios, horas extras e o traballo en festivos. E o recoñecemento da formación.

"Hoxe en día quen queira traballar no noso sector ten que ter como mínimo un grao medio e en estética, por exemplo, un grao superior", di Maite.

Con este improvisado salón de peiteado visibilizaron un problema "como clientas e usuarias deberíamos saber o que hai detrás", comentaban sorprendidos na rúa que calculan afecta en Galicia a preto de seis empregados e empregadas.