Marchas do 8-M por toda España

Milleiros de persoas, en todas as grandes cidades españolas, sumáronse ás marchas convocadas para reivindicar os dereitos das mulleres.

Entre 3.000 e 5.000 persoas participaron na manifestación de Madrid convocada polo Movemento Feminista para reivindicar a abolición da prostitución e amosar o seu rexeitamento a unha lei trans que permita o libre cambio de sexo no rexistro.

Tamén se convocaron por toda Cataluña. A de Barcelona foi das primeiras en comezar, e recuperou este ano, o espírito festeiro tras a parada provocada pola pandemia.

A pesar da división nalgunhas das reivindicacións, en Valencia o movemento feminista manifestouse unido, cunha única convocatoria. As pancartas claman contra a violencia machista e a lei trans.