Marlaska di que nunca sospeitou que Ábalos puidese estar nun "negocio turbio"

O ministro do Interior, Fernando Grande-Marlaska, sinalou este xoves que non sospeitou do exministro José Luis Ábalos pola súa posible relación con algún "negocio turbio".

Na súa comparecencia ante a comisión Koldo do Senado o ministro dixo que el non leu os informes da UCO e que o coñecemento que ten do caso Koldo é polo publicado en medios de comunicación e por notas de prensa. 

Dixo que a Koldo coñecíao de actos "institucionais", recalcou que nunca se reuniu con el, e que con Aldama "nin se cruzou a mirada".

A preguntas da senadora de UPN, María del Mar Caballero, sobre a posible imputación do exministro Ábalos, Grande-Marslaska dixo: "Nunca tiven a sospeita de que puidese estar nun negocio turbio".

O ministro reiterou no Senado que "non hai ningunha vinculación de ningunha persoa" deste departamento ministerial coa trama presuntamente corrupta. "Non hai ningunha vinculación de ningunha persoa do Ministerio do Interior coa trama", sinalou na comisión parlamentaria.

 

O ministro volveu defender a contratación de máscaras coa empresa Soluciones de Xestión, implicada no 'caso Koldo', xa que se fixo un "procedemento de compra sen incidencia no desenvolvemento dese contrato no que se refire ao Ministerio do Interior", á marxe de se "algunhas persoas" á marxe cometeron algunha irregularidade.