Traballo acelera a reforma para reducir a xornada laboral en 2025

A negativa da patronal non frea o avance do Goberno para a redución da xornada laboral. Os empresarios insisten en que debería abordarse nas negociacións dos convenios colectivos e non por lei.

Os sindicatos estiman que avanzarán rápido agora que todos comparten un obxectivo que a patronal non aceptaba e apuntan que non se inclúan as medidas de flexibilización que se ofreceran para atraer a CEOE. Con todo, lamentan que non se puidese conseguir un acordo tripartito para acadar a xornada de 37,5 horas semanais.