Óscar Gilsanz: "Veremos se é posible que chegue Yeremay ao domingo"

Óscar Gilsanz analizou o partido deste domingo fronte ao Sporting de Xixón e fixo fincapé nas posibles baixas e retornos. O técnico non descartou a presenza de Yeremay, pero tampouco confirmou a súa dispoñibilidade: "Está evolucionando ben, veremos se é posible que chegue ao domingo". En canto a Lucas e Mella, afirmou que o adestramento do sábado será de moita importancia: "Mañá saberemos se están para xogar".

O deportivista tamén remarcou o especial que é este encontro, para o que xa non quedan entradas: "Os partidos entre Dépor e Sporting son sempre unha boa noticia en canto a expectación". Á súa vez, destacou a importancia de xogar como local: "Somos conscientes de que temos a mellor afección da categoría".