Maxistrados do Supremo avanzan a súa intención de levar ao Consitucional unha hipotética lei de amnistía

Tanto Junts como Esquerra aférranse á lei de amnistía como condición indispensable para a apoiar unha investidura de Pedro Sánchez. Os republicanos admiten que hai negociacióna abertas.

"Estanse levando a cabo negociacións nun ámbito discreto, que é o que toca. Non teño ningunha percepción de que non se poidan levar a cabo", di Laura Vilagrà, Conselleira de Presidencia da Generalitat.

O PSOE mantén o discurso: todo o que se negocie, afirman, será dentro da Constitución. Pero din que agora é a quenda de Núñez Feijóo.

Pilar Alegría, Voceira do PSOE, di: "O señor Feijóo sabe perfectamente que esta fuxida cara adiante está atrasando o único goberno viable con Pedro Sánchez á fronte. Agora escoitamos que pretende volver reunirse co PSOE. Non imos reunirnos cun PP que está en mans da ultradereita".

O PP acusa os socialistas de intentar gobernar só para unha minoría.

"Néganse a reunirse coa metade dos españois, con todos os que votaron ao PP. Non só é que non queiran verse con Núñez Feijóo, é que non queren nin escoitar os do seu propio partido que lles din que a amnistía é unha moeda que non se pode entregar", di Cuca Gamarra, voceira do PP.

Ás voces críticas sumáronse nas últimas horas o histórico socialista Joaquín Almunia, ou o expresidente de Aragón.

"Creo que non cabe na Constitución, así o din os xuristas e así o dixemos sempre os socialistas", di o actual senador do PSOE.

Sumar discrepa e xa traballa no texto da lei de amnistía para que se aprobe pola vía expres no Congreso. Algúns maxistrados do Tribunal Supremo avanzan que están dispostos a acudir ao Consitucional e ao Tribunal Europeo de Xustiza para frear a súa tramitación.